خـــل الناس تتكلـــم عنك وادفــع على النتائــــج

الأسئلة الشائعة

وش يعني أدفع على «النتائج»؟

النتائج هي المشاهدات، الزيارات على موقعك، التسجيلات، الإضافات للسلة، والمبيعات. وكل نتيجة يحققها المؤثر نحاسبه عليها.

هل أقدر أختار المؤثرين؟

لا. الخوارزمية ترشّح حملتك للمؤثرين اللي يطابقون جمهورك المستهدف. بس قبل ما المؤثر ينزل محتوى عنك، تقدر تطلب تعديلات أو تمنعه من المشاركة.

كيف أدفع؟

تشحن محفظة حملتك بالميزانية اللي تبيها، وكل زيارة محسوبة تنخصم منها. تشوف الرصيد والصرف لحظيًا، وتوقف الحملة متى ما تبي.

كيف تقيسون أداء المؤثرين؟

نعطي كل مؤثر رابط خاص يؤدي إلى موقعك الإلكتروني. الرابط فيه تقنيات تجمع بيانات كل ضغطة وتقيّم جودتها، ونكافئ المؤثر فقط على الضغطات ذات الجودة العالية.

عندكم مشاهير؟

نعم، عندنا مؤثرين كبار، لكن أغلب شبكتنا مؤثرين مايكرو بجمهور صغير ومتفاعل.

وش فرقكم عن المنصات الثانية؟

المنصات الثانية تساعدك في إيجاد المؤثرين، والباقي كله على مسؤوليتك. احنا معك في الرحلة كاملة: الربط مع المؤثرين، مراجعة المحتوى، قياس الأداء، والدفع لهم بشكل مؤتمت.